• This email address is being protected from spambots. You need JavaScript enabled to view it.
  •  +27 12 331 2341

Dit beteken iets

My lipstick smeer oor jou wang

as jy probeer om my soen weg te vryf.

Amper nutteloos.

Dit is wrede tye om jou hart

wat val en breek…

en stukkies spat in my vel in,

wat seer is.

Ek dryf op jou gedagtes.

Jy los my iewers ver,

van jou af,

van myself af,

sodat  nie een van ons sal onthou nie.

Maar daar is altyd die tekens.

Soos die drie teelepels suiker,

die trane in jou oë.

Dit sal nie vergeet nie.

Ek het jou te lief,

is wat jy belowe,

is wat ek vir altyd wil glo,

en skadeloos wil aangaan,

soos gesmeerde lipstick aan jou wang.

 

♥ Tassha